Die Ermelo Polisie wil graag inwoners se aandag daarop rig dat hekmotordiefstal toenemend kommer wek.

Kapt Carla Prinsloo, woordvoerder van die Ermelo Polisie, maan inwoners om addisionele voorsorg te tref om hul eiendom te beveilig.

Sy het inwoners aangeraai om hul besonderhede in te graveer op ‘n yster gedeelte of die binnekant van die plastiek omhulsel van die hekmotor.

“Hoewel dit dalk nie die diefstal van die hekmotor voorkom nie, vergemoeilik dit die verkoop daarvan.”

Sommige inwoners het al van tevore ook hekmotors met steunarms aan die grond of binne die eiendom vasgeanker óf ‘n steunarm aan die bokant van die hek aangebring siende diewe maklik ‘n hek van die spoor kan lig.

Verskeie berigte is al voorheen plaaslik en landwyd oor hierdie tipe diefstal geskryf en die motief van dié diewe blyk meeste van die tyd te wees om die items vir skrootmetaal te verkoop.

Kapt Prinsloo raai egter inwoners aan om paraat te wees sou daar ook ‘n onheilspellende motief agter dié diefstal lê.

Gevalle is al voorheen aangemeld van hekmotors wat gesteel word waar huisrowers vir ‘n niksvermoedende slagoffer ‘n strik stel.

Lees die volledige berig in vandeesweek se Hoëvelder.