Standerton se militêre veterane sluit jaar gesellig af

Die militêre veterane van die Standerskop het op Saterdag 14 November by die Waterfront hul jaareindfunksie aangebied.

Dié eenheid vorm deel van die Suid-Afrikaanse Weermagvereniging.

Mnr. André du Plessis, seremoniemeester, het die opening waargeneem en mnr. Jan Bezuidenhout, voorsitter, aan die woord gestel. Mnr. Bezuidenhou het almal bedank wat hom deur die jaar bygestaan het.

Hy het genoem dat die eenheid graag die kinders op Vrede by die kinderhuis met ‘n geskenkie wil verras.

Hulle beplan om ‘n geborgde gholfdag op 27 Maart volgende jaar aan te bied en ‘n hengeldag word ook in die vooruitsig gestel.