Die room van Ermelo se fotograwe word maandeliks in die Hoëvelder vereer vir hul treffende foto’s wat van tegniese presiese en kreatiwiteit spreek.

Die Ermelo Fotoklub het weer in Maart hul maandelikse vergadering gehou.

Al die fotograwe het soos oudergewoonte aangrypende en fleurige foto’s ingeskryf vir vandeesmaand se kompetisie, wat deur die gasspreker, mnr. Peter Cavanagh, van Midlens Fotoklub in Middelburg, beoordeel is.

Vir die wat nog nie weet nie, die klub bied ’n wonderlike geleentheid aan beginnerfotograwe om by ander kennis te put en sodoende slyp hul hul tegnieke en vaardighede.

Lede kry maandeliks die geleentheid om drie foto’s in die ope-afdeling, en een foto in die vasgestelde onderwerp-afdeling, in te skryf.

Die vasgestelde onderwerp vir vandeesmaand was eiers.

Maak seker om jou kopie van die Hoëvelder te kry vir al die uitslae.

Wil jy ook by die klub aansluit en jou foto-kennis verbreed? Stuur dan ’n epos na ermelofotoklub18@gmail vir meer inligting.