AfriForum, gemeenskap en ondenemings neem hande om slaggate op Secunda te herstel

SECUNDA – Lede van AfriForum, die gemeenskap en ondernemings het hande geneem en op Saterdag, 24 April slaggate in Helen Josephstraat herstel.

Mnr. Jan du Plessis, voorsitter van AfriForum se tak op Secunda, het gesê hulle het altesaam 140 sakkies teer gebruik en geld om dié teer te koop, het vanaf die gemeenskap en ondernemings gekom.

Hy het gesê AfriForum loods nou ‘n projek om slaggate te borg en belangstellendes kan hom skakel by 061 731 3581.

AfriForum het almal wat gehelp het, donasies gegee het, asook al die ondernemings wat hulle finansieël geondersteun het, bedank.

Hy het ook die motoriste vir hulle geduld bedank toe AfriForum die pad moes afsper om die slaggate te herstel.

KYK: AfriForum herstel slaggate op Secunda