Megan Herbst veg verbete voort – Ermelo-gemeenskap samel geld in
Megan (10) is op 11 Junie met sistemiese jeug-idiopatiese artritis en makrofage-aktiveringsindroom gediagnoseer.
ERMELO – Die Ermelo Marathon-klub wil in samewerking met die gemeenskap geld insamel vir Megan Herbst, wat onlangs met twee seldsame outo-imuunsiektes gediagnoseer is.
Megan (10) is op 11 Junie met sistemiese jeug-idiopatiese artritis en makrofage-aktiveringsindroom gediagnoseer.
Haar ma, me. Jolene Herbst, het vertel dat die selle wat haar liggaam moet beskerm, haar liggaam aanval.
“Die siektes is geneties oordraagbaar en veroorsaak gevaarlike toestande.”
Dié klub bied op 10 Julie ’n pretdraf by Makou Restuarant in Fouriestraat aan.
Inskrywings vir die wedloop is enige skenkings tot Megan se mediese uitgawes.
Dit kan vooraf by die klub se rekening inbetaal word, of die oggend voor die wedloop in kontant.
Die 4,9 km-wedloop sal om 08:00 begin en die 8 km-wedloop om 09:30.
Weens die Covid-19-regulasies, moet alle inskrywings voor die wedloop by 066 205 3685 bevestig word.
Skenkings kan betaal word by: Ermelo Marathon Club, Capitec Bank, spaarrekkening, 1561820766, met “Megan” as verwysing.
Megan is steeds in die Netcare Unitas-hospitaal in Pretoria se pediatriese intensiewesorgeenheid.
