Local newsNews
Vrou skenk handgebreide truie aan Kinder- en Jeugsorgsentrum (CYCC) in Ermelo
Dié sentrum huisves tans 36 kinders, met die jongste wat slegs ’n paar maande oud is en die oudste 17.
Die Kinder- en Jeugsorgsentrum (CYCC) het onlangs ’n baie spesiale skenking van me. Alida Naudé ontvang.
Me. Naudé het sowat 50 handgebreide truie aan die sentrum geskenk, om te verseker dat die kinders warm en snoesig gedurende die winter bly.
Die sentrum se bestuurder, me. Mari van der Merwe, het haar dank teenoor me. Naudé uitgespreek.
Dié sentrum huisves tans 36 kinders, met die jongste wat slegs ’n paar maande oud is en die oudste 17.
Daar is drie verskillende eenhede op Ermelo:
- In die baba-eenheid word babas tot op die ouderdom van vyf jaar gehuisves en me. Mari van der Merwe, bestuurder, het gesê dat hulle dié kinders tydelik huisves en hoop om hul spoedig met hul families te herenig.
- In die tweede eenheid word kinders tydelik versorg.
- Die derde eenheid huisves kinders permanent.
Me. Van der Merwe het vertel dat die sentrum se bestuur bevoorreg voel met die gemeenskap wat hul harte teenoor dié sentrum en die kinders oopmaak.
“Ons het steeds ’n behoefte vir melk, eiers, ontbytpap en baba produkte soos doeke, vaseline en ander produkte,” het me. Van der Merwe gesê.
Sy moedige inwoners aan om by die sentrum betrokke te raak en só ’n verskil in elke kind se lewe te maak.
Vir meer inligting oor hoe om betrokke te raak, skakel me. McKinney by 072 484 4349.
At Caxton, we employ humans to generate daily fresh news, not AI intervention. Happy reading!
