Shanel Nunes (19), ’n gestremde vrou van Bethal, het ’n splinternuwe “moon boot” gekry nadat die Ridge Times berig het oor ’n betonmuur wat bo-op haar geval en haar voet gebreek het.
’n Ortotis van Ermelo, me. Michelle van der Merwe, het Shanel se storie gesien en besluit om uit te reik na haar en haar ma, me. Madeleine van Staden.
Shanel was op Maandag, 4 Oktober by die Steve Biko Hospitaal om verskeie toetse te ondergaan, onder andere om te sien hoekom sy gewig optel en hoekom haar kortosoon-vlakke so laag is, maar die ma en dogter moet op 14 Oktober weer teruggaan na die hospitaal dan sal sy ’n MRI-skandering ondergaan.
Me. Van Staden het me. Van der Merwe vir die “moon boot” bedank en gesê hy pas perfek op Shanel se voet en maak dinge baie makliker vir hulle.
