Hoërskool Erasmus spog met 97,5%-slaagsyfer

Hoërskool Erasmus se 2021-matriekklas het die As laat inrol met die eindeksamen.

Die nasionale senior eksamen se uitslae is Vrydag, 21 Januarie bekendgemaak en Hoërskool Erasmus spog met ’n slaagsyfer van 97,55%.

Die skool se top presteerder is Vangile Thabethe met ’n gemiddeld van 84.14% en vyf A-simbole.

Nog leerders wat vyf onderskeidings elk behaal het, is Aaisha Mabena met ’n gemiddeld van 84%, Liandri Britz het ’n gemiddeld van 83%, Werner von Brandis met ’n gemiddeld van 82% en Prayer Kabinde met ’n gemiddeld van 81%.

Mariska Kok het vier A-simbole ingepalm met ’n gemiddeld van 81% en Makgareetja Mekwa het ’n gemiddeld van 77% en vier onderskeidings.