NLF bied bystand met watertenk en drukpomp

Northern Light Foundation (NLF) het in samewerking met Clear Water Plumbing die afgelope week ’n watertenk en drukpomp by ’n bejaarde vrou se huis geïnstalleer.

Volgens dié organisasie, is hulle in kennis gestel dat sy reeds meer as twee jaar watervoorsieningsprobleme ondervind.

Haar man is in 2021 oorlede en die boedel is nog nie afgehandel nie.

Geld is dus nie beskikbaar om self plan te maak met watervoorsiening nie.

“Almal is nie altyd in staat om hulself te help nie, maar as ons as ’n gemeenskap kan saamstaan, kan ons meer mense help wat in soortgelyke situasies is,” het mnr. Hillel Coetzer, uitvoerende hoof, gesê.