Hoërskool Erasmus op Bronkhorstspruit bring die Stadsbeker huis toe

Die 0/15-rugbyspan van Hoërskool Erasmus op Bronkhorstspruit het die gewilde Stadsbeker verower.

Die 0/15- en 0/16-spanne het op Saterdag, 23 Julie aan die eindstryd in hul kategorie van die Bloubulle se afdeling-drie by die Wilgers Hoërskool in Pretoria deelgeneem.

Die 0/15-span het die Wilgers met 12–7 geklop.

Die span het met die Stadsbeker huis toe gekeer.

Henry Alisson, sportbestuurder by Hoërskool Erasmus en afrigter van die 0/15-span, asook die mede-afrigter, Stephan Janse van Vuuren, het die span geluk gewens met hul oorwinning in die Stadsbeker.

“Ons is baie trots op julle.”

Die 0/15- en 0/16-spanne neem ook op Saterdag, 30 Julie aan die Virsekerbeker-reeks deel.

Dié wedstryde vind op Hoërskool Erasmus se tuisveld plaas en beloof om uitstekende rugby aan die spelers en toeskouers te bied.

Die 0/15-span kom teen Hoërskool Bergvlam te staan terwyl die 0/16’s teen Hoërskool John Vorster in die stryd tree.