Marelize en Hentie tree af na 33 jaar by Hoërskool Oosterland op Secunda

Marelize Olivier en Hentie Grib het onlangs na 33 jaar by Hoërskool Oosterland afgetree.

“Hoërskool Oosterland groet dié twee onderwysers wat sukses in hul lewens bereik het deur om hul invloed en talente te gebruik om ander mense se lewens beter te maak,” het Oosterland se skakelbeampte, Claudia Venter, gesê.

“Beide was betrokke op verskeie terreine gedurende hul loopbane by die skool. Die grootste skat is dat hulle kan terugkyk en weet dat dit wat hulle gedoen het, ’n verskil maak.”

Die bestuurspan van die skool het Olivier en Grib vir jare se liefde en omgee bedank en met Oosterland se grootste seën na die volgende hoofstuk van hul lewens gestuur.