Gerrit Coetzee seëvier in A-afdeling van Standerton se maandelikse beker
Onderskeidelik sewe en 22 spelers het aan die gebruiklike Woensdag-kragmeting op 25 Januarie deelgeneem.
Gerrit Coetzee het die pas aangegee in in die A-afdeling van die maandelikse beker nadat hy ’n netto van 67 aangeteken en ook ’n spog-twee in die sakkie gesit het.
Altesaam 38 spelers het op Saterdag 21 Januarie by die Standerton Buiteklub die hitte trotseer. Gert du Preez was in die tweede plek met ’n netto van 72 en kon ook ’n spog-twee agter sy naam skryf.
Jannie Nichols het met 73 gevolg en ’n spog-twee by twee putjies behaal, terwyl Casper Roux op 76 te staan gekom het.
Sowel Attie van der Westhuizen as Joré Nortjé het 77 aangeteken, gevolg deur Damian Brink met 78.
Innocent Dhladhla het 81 op die telkaart ingevul, gevolg deur Xander Roux se 82 en Kobie Coetzee se 85, wat ’n spog-twee ryker was.
LEES OOK: Educator from eMbalenhle faces assault charge
Leon Myburg het die septer in die B-afdeling geswaai met ’n netto van 66,terwyl Patrizia Lombard die vroue-wenner was met 68.
Albei spelers het ’n spog-twee behaal. Willie Griesel het met 69 geëindig, gevolg deur Mark Nortjé met 71.
Attie Mouton het op 73 te staan gekom en Deon Grimsell op 75,met ’n spog-twee op die koop toe, terwyl Werner Mouton 76 aangeteken het. Nico Lombard het 77 aangeteken, Vivian Seiger 78 en Aldo Arnaldi 79.
Peter Lloyd, Wessel van der Merwe en Theuns Adendorff het elk 80 behaal, terwyl Jacques Nel, Johan Brink en Clifford van Vuren elk met 81 geëindig het.
Kirstin Nortjé het op 82 te staan gekom, Nelis Eksteen op 83 en Wian Starbuck op 90. Herman Mynhardt was onoorwonne in die C-afdeling met 43 punte, gevolg deur Alida Griesel met 41.
LEES OOK: Pretoriusse van Standerton werk, kuier en lag saam
Machiel Griesel se puntetelling was 39, Riaan Starbuck s’n 37 en Fanie Botha met 34 geëindig. Frikkie Eksteen het 9 aangeteken, Francois Cronjé 8, Ronel Starbuck 6 en Gerrit Nel 4.
Gerrit Coetzee het ook die A-afdeling by die Mug of Mugs syne gemaak, terwyl Leon Myburg die B-afdeling gewen het.
Fanie Botha het die C-afdeling gewen, Patrizia Lombard die vroue se B-afdeling en Alida Griesel die vroue se C-afdeling.
Onderskeidelik sewe en 22 spelers het aan die gebruiklike Woensdag-kragmeting op 25 Januarie deelgeneem.
Donnie Taljaard het eerste oor nege putjies geëindig met ’n puntetelling van 20, gevolg deur Aldo Arnaldi met 19 en Louis Gravett met 15.
LEES OOK: Residents hear suspected cable thieves in open field on outskirts of Secunda
Freddie Welmans het op 12 te staan gekom, terwyl Deon Grimsell en Ben Steyn albei 10 aangeteken het. Gerrit Nel het 9 behaal.
Carus Janse van Rensburg was onoorwonne oor 18 putjies met ’n puntetelling van 40 en het ’n spog-twee behaal.
Herman Mynhardt het dié telling geëwenaar, gevolg deur Stephen Nortjé en Wessel van der Merwe wat albei 38 op die telkaart ingevul het.
Casper Roux het 37 op die telkaart ingevul, terwyl Theuns Adendorff met 35 geëindig en ’n spog-twee behaal het.
Ronald Kinnear en Malan van der Merwe het albei 33 behaal, met ’n spog-twee vir die duo. Henk Botha het 32 aangeteken en Joré Nortjé 31. Jacques Erasmus het ook ’n spog-twee behaal.
