VKLM laerskole atletiek sluit seisoen met massa byeenkoms af

Die atletiekseisoen het op 7 Februarie met ’n groot en kleurvolle byeenkoms op die atletiekbaan van Laerskool Delmas afgesluit.

Daar het in totaal 21 plaaslike skole vanuit die Delmas omgewing aan dié massa atletiekbyeenkoms deelgeneem.

Deelnemende skole was dié van Arbor, Bazani, Delpark, Dumezweni, Fundisisa, Hoisios Christian, Khangela, Manyaela, Mdumiseni, Nesher Privaat skool, Othandweni, Sizufunda, Sizuzule, Swartklip, Vezsinfundo, Rietkol, Eldamah Acadamy en laerskole Delmas, Sundra en Eloff.

Ten spyte van die dag se hitte het atlete die byeenkoms terdeë geniet en het die see van kleurvolle atletiekdrag vir groot opwinding onder onderwysers, baanbeamptes, toeskouers en atlete gesorg.