Gerrit Coetzee van Standerton beklink enkelspel by San Lameer
Coetzee en sy spanmaat, Cobus Clarence het albei die ‘foursomes’ gewen, met Coetzee wat in albei die ’singles’ geseëvier het.
Gerrit Coetzee van Standerton en sy spanmaats het koning gekraai by die onlangse Senior IPT Kampioenskap en die Mpumalanga span het uitgeblink.
Die IPT Kampioenskap het van 16 tot 19 April by San Lameer in KwaZoeloe-Natal plaasgevind. Spanne van Ekurhuleni, Grens, Suid-Kaap, Noord Kaap, Mpumalanga en Limpopo het mekaar die stryd aangesê.
Die eerste dag is teen Ekurhuleni meegding met ’n sege van 7-5, terwyl hul die tweede dag teen Grens’n sege van 9½ – 2 gehad het.
Tydens die derde dag is Suid-Kaap aangedurf met ’n gelykop uitslag van 6-6. Die laaste dag is teen Noord-Kaap en Limpopo gespeel. Die Mpumalanga-span het Limpopo 11-1 en Noord-Kaap 9-3 geklop.
Teen Ekurhuleni het Coetzee en Cobus Clarence hul ’foursomes’ gewen, met Coetzee wat sy ‘singles’ gewen het.
In die wedstryd teen teen Grens het hulle die ‘foursomes’ verloor en Coetzee het sy ‘singles’ gewen.
Teen Suid-Kaap het hulle die ‘foursomes’ gewen en Coetzee het weer in die ‘singles’ die pas aangegee.
Coetzee is nou onoorwonne vir twee jaar.
