Voormalige bendelid en brandslagoffer gaan hul stories van hoop met Secunda deel
Die Ridge Times (destyds die Highveld Ridge genoem) het in September in 1996 ’n berig oor Basson gedoen wat op 26 Augustus in 1996 met haar motor in ’n veldbrand naby Leandra gaan staan het.
Sonja Basson en pastoor Ockie Fourie gaan op 13 Julie hul stories van hoop deel. Basson gaan vertel hoe die Here haar vanuit ’n verwoestende veldbrand gered het en haar pad van genesing wat oor 28 jaar strek.
Die Ridge Times (destyds die Highveld Ridge genoem) het in September in 1996 ’n berig oor Basson gedoen wat op 26 Augustus in 1996 met haar motor in ’n veldbrand naby Leandra gaan staan het.
Basson was destyds vir weke in die hospitaal en het, buiten die tweede- en derdegraadse brandwonde, ook longontsteking opgedoen. Sy was aan ’n asemhalingsmasjien gekoppel.
Fourie, ’n voormalige bendelid, gaan vertel hoe die Here hom gered het van ’n lewe van misdaad, verslawing, haat en wreedheid.
Jakkie Steyn, organiseerder van dié getuienis oggend, het gesê dit gaan ’n dag wees om te sien hoe groot God se genade is.
Dit is ’n interkerlike geleentheid en enige iemand is welkom. Die oggend begin om 09:30 vir 10:00 en vind by die Hervormde Kerk op Secunda.
Kaartjies kos R165 per persoon en sluit ’n ete in. Vir meer inligting, of om jou plek te bespreek, skakel Steyn by 072 460 6996.
