Secunda-paar verskyn weer in hof vir bedrog
Landdros stel saak uit na 11 November.
Die paartjie wat tereg staan op aanklagtes van diefstal en bedrog, het op 30 Oktober weer in die streekhof op Evander verskyn.
Zane Calitz en Christo Boshoff is op 18 Februarie vanjaar inhegtenis geneem nadat hulle na bewering geld van mense ontvang het om sonpanele op te sit, en dan nooit die werk gedoen het of die geld terug betaal het nie.
As inwoners hulle geskakel het om navraag te doen, is hulle glo gevloek. Volgens die klagstaat is daar sake van Secunda, Bethal, Kriel, Kinross en selfs Brakpan teen hulle.
Hul saak is uitgestel na 11 November en die twee bly steeds in aanhouding.
ALSO READ: Hawks arrest additional suspect for suspected stolen property in Leandra
ALSO READ: Hawks arrest Bangladesi in Leandra area for possession of stolen goods
