Kleuterskool op Delmas maak Moedersdag spesiaal

Getrou aan tradisie het Heidi Kleuterskool op Delmas 9 Mei die dag opsy gesit om mamma’s te vier.

Ma’s is met lekker warm koffie verwelkom.

Volgens die hoof, Riëtte Wheller was die dag vir kleuters om saam met hul ma’s te vier, aktiwiteite te doen, maar ook spesifiek saam te bak-en-brou.

Sjokolade kolwyntjies het gereed gestaan en die kleingoed en hul ma’s kon dié toe met malvalekkers in ‘n blom vorm versier.

Elke ma het ook as geskenk ’n sleutelhouer ontvang met ’n foto van hul kleinding daarin.

“Elke kleinding het ook hul eie Moedersdagkaartjie vir hul ma’s gemaak.”

“Die oggend was spesiaal vir ons as Heidi personeel, maar so ook vir elkeen van ons kleingoed en hul mamma’s,” het Wheller gesê.