Tenshinkan Karateklub van Delmas presteer in Shihan Kampioenskap

Delmas se Tenshinkan Karateka het op 10 Mei aan die Shihan kampioenskap in Brakpan deelgeneem.

Delmas se karatekas het in hul onderskeie afdelings en ouderdomsgroepe presteer en het verskeie brons, silwer en goue medaljes ingepalm.

Sensei Leon Gagiano wens elkeen van Tenshinkan se studente geluk met hul deelname.

“Ons studente se harde werk, oefening en toewyding wys positiewe resultate,” het Gagiano gesê.

“Tenshinkan Karate Delmas bied klasse aan vir kinders vanaf so jonk as vier jaar tot veteraan, enige iemand is welkom om in te val.”

Vir meer inligting kan Gagiano by 081 246 3030 geskakel word.