Laerskole Sundra en Eloff se kaalvoete pak mekaar

Rugbyspelers van Loffies en Laerskool Sundra het mekaar in ’n vriendskaplike rugbywedstryd die stryd aangesê.
Die wedstryd het op 27 Mei by Laerskool Eloff plaasgevind.

“Ons rugby-seuns het met mannemoed in hul wedstryde teen Laerskool Sundra gespeel,” het Louise van Niekerk, Loffie-hoof, namens die afrigter en personeel, gesê.

“Dit was beslis ’n middag vol aksie en opwinding. Geluk aan ons rugbymanne wat uitstekende rugby teen Laerskool Eloff gespeel het. Ons is trots op julle,” het Jacques de Beer, waarnemende hoof van Sundra, gesê.

“Julle hou ons naam hoog.”