Delmas se Phoenix kry groot pakslae teen die Panthers

Die twee spanne ding mee in die Valke Rugby-unie Kestrel-liga.

July 11, 2025

Thia Botha Less than a minute

Spelers van die Phoenix Rugbyklub probeer ’n drie van die Edenvale Panthers keer. Foto: Thia Botha

Die Phoenix Rugbyklub het hul wedstryd teen die Edenvale Panthers op 5 Julie verloor. Dié wedstryd het om 16:00 op Phoenix se tuisveld by Hoërskool Delmas afgeskop.

Die twee spanne ding mee in die gesogte Kestrel-liga van die Valke Rugby-unie. Phoenix het in 2023 tweede in die Kestrel-liga geëindig en het die trofee in die 2024-seisoen gewen.

Die Panthers het egter bo-oor Phoenix geloop. Met die blaas van die eindfluitjie het Phoenix geen punte op die telbord gehad nie, terwyl die Panthers 36 punte aangeteken het.