Die duiwe van lede van Sasol Posduifklub het hul staal gewys op 21 Junie toe hulle vanaf Christiana in die Noordwes huis toe gevlieg het.

Die Allison Bros-wedvlugduiwe het behoorlik uitgeblink deur die eerste nege plekke in dié wedvlug in te palm, terwyl een van Eiber & Neethling se duiwe 10de geëindig het.

Op dieselfde dag het van die duiwe ook vanaf Tweespruit in die Vrystaat huis toe gevlieg. Dié keer was dit een van die Kotze-gesin wat die wedvlug in die ope afdeling gewen het, terwyl die Allison Bros-duiwe tweede, derde, vierde en vyfde geëindig het.

Een van die Steyn-familie se duiwe het sesde geëindig. Die Eiber & Neethling-duiwe het sewende, agtste, negende en 10de plekke verower.

LEES OOK: Dellie-leerder leef haar hokkietalent tydens streekstoernooi uit

In die jongvoëls-afdeling, ook in die wedvlug vanaf Tweespruit, het ‘n duif van Eiber & Neethling gewen, terwyl van hul ander duiwe derde, vyfde en sesde geëindig het.

Allison Bros-duiwe het tweede en vierde plekke behaal, terwyl een van die Kotze-gesin sewende geëindig het, twee van die Steyn-familie onderskeidelik agtste en 10de geëindig het, en een van Koot Meyer se duiwe negende geëindig het.

Allison Bros-duiwe het weer eens uitgeblink op 28 Junie in die ope afdeling van ‘n wedvlug vanaf Kimberley in die Noord-Kaap huis toe, en eerste, tweede, derde, vyfde, sesde, agtste, negende en 10de plekke behaal.

Die Boeta & Duppie-duiwe het vierde en sewende plekke behaal. In nog ‘n wedvlug op dieselfde dag vanaf Bloemfontein was dit weer eens een van die Allison Bros-duiwe wat in die ope afdeling gewen het.

LEES OOK: A 29-year-old suspect will appear in the Delmas court today on charges of fraud

Een van haar ander duiwe het ‘n agtste plek behaal, terwyl een van Boeta & Duppie se duiwe ‘n tweede plek behaal het en een van die Steyn-familie ‘n derde plek.

Die Eiber & Neethling-duiwe het ook goed gevaar en vierde, vyfde, sesde en 10de plekke behaal, terwyl een van Koot Meyer se duiwe ‘n sewende plek behaal het, en een van die Kotze-gesin ‘n negende plek.

In die jongvoëls-afdeling-wedvlug, ook vanaf Bloemfontein, het die Eiber & Neethling-duiwe eerste, tweede, sesde en 10de plekke behaal, terwyl die Boeta & Duppie-duiwe derde, vyfde en agtste plekke behaal het.

Allison Bros-duiwe het vierde en sewende geëindig, terwyl een van die Steyn-familie se duiwe negende geëindig het.