Charné Scholtz het op 5 September haar eerste boek, ’n digbundel, by die Evangelies Gereformeerde Kerk, bekend gestel.

Dié digbundel, ’n Bundel van Oorvloedige Genade, handel oor genade.

Scholtz het oor jare gedigte geskryf van gebeurtenisse en mense wat haar pad gekruis het.

“Dié gedigte het ek deur die Heilige Gees se leiding geskryf,” het Scholtz gesê.

Die gedigte in haar bundel het nie titels nie omdat Scholtz meen elke leser moet die gedigte hul eie maak en self besluit op ’n titel.