Die VF Plus Standerton-tak en verskeie inwoners het op 27 September Wêreld Rivierdag gevier deur die rivierpark skoon te maak.

Talle rolspelers was betrokke, insluitend die Lekwa Clean Up Crew (LCUC) en Kasselman Veiligheidsdienste.

Volgens Wilma Venter, Wyk 10-raadslid, is 70 sakke rommel uit die rivierpark verwyder. Die gebied is nou skoner en veiliger vir diegene wat daar tyd bestee.

“Die aksie wys wat moontlik is wanneer mense saamwerk en hul omgewing respekteer.”

Die VF Plus in Standerton is dankbaar vir elkeen wat hul energie en entoesiasme na hierdie geleentheid gebring het.

“Saam bou ons nie net skoon plekke nie, maar ook ’n sterker, meer betrokke gemeenskap,” het Venter afgesluit.