Die Lone Buddies Motorfietsklub in Standerton het ’n geldinsameling gereël om Yolandi Nel se doelwit van R126 000 nader te bring.

Die Vatvas Dansorkes sal op 1 November om 18:30 by Jonkersdam optree. Kaartjies vir die geleentheid kos R200 elk. Die wins gaan daarna om Nel te help om sonder pyn te kan loop.

Hierdie is nie net ’n kans om te dans en baljaar nie, maar ook ’n lekker piekniekgeleentheid om saam met die hele gesin te geniet.

Daar sal ’n kontantkroeg en borde met smulhappies beskikbaar wees, maar diegene wat die aand saam gaan geniet, word aangeraai om hul eie piekniekmandjie te pak.

Bespreek jou kaartjies by Lizaan du Toit by 071 516 8311 of Rudi Hahn by 066 556 3354.

LEES OOK: Motorfietsryers van Standerton gaan sakelui “vang” vir liefdadigheid