Met die Standerton Landbouskou agter die rug, het die skoukommittee hul laaste vergadering afgesluit. Volgens André du Plessis, was die Standerton Landbouskou 2025 ’n sukses.

“Daar was wel ’n paar uitdagings maar die skou was goed ten spyte daarvan,” het du Plessis gesê.

Volgens du Plessis het die kaartjieverkope baie goed gedoen. Die 60 stalletjies wat beskikbaar was het goed gevaar met verkope.

Skougangers het ’n fees gevier saam met die kunstenaars. Du Plessis het verduidelik dat die skoukommittee positiewe terugvoer vanaf die hoofborg, Bayer Bayer gekry het.

“Die springkasteel was ’n wenner vir skougangers jonk en oud en het vermaak vir ure virseker.”

Al die werk wat deur AfriForum op die terrein gedoen was in aanleiding tot die skou het gesorg vir ’n pragtige terrein. Die skoukommittee het al reeds begin gesels oor die Standerton Landbouskou 2026 en beplan vir nog ’n lekker fees.