NG Wes op Standerton neem basaargangers reg oor die wêreld
Die hoogtepunt van die dag was die Disneyland-stalletjie, waar gangers hul vriende kon afkoel met waterbalonne.
Standerton NG Wes hou jaarlikse Reis deur die Wêreld-kerkbasaar.
Die Standerton NG Wes-gemeente het op 25 Oktober hul jaarlikse kerkbasaar gehou. Hierdie jaar het elke stalletjie ’n verskillende land verteenwoordig.
Basaargangers is deur verskeie kos- en vermaakstalletjies geneem in ’n vinnige reis regoor die wêreld. Vir vermaak kon hulle deur antieke voertuie stap en aan talle familiegerigte kompetisies deelneem.
Die hoogtepunt van die dag was die Disneyland-stalletjie, waar gangers hul vriende kon afkoel met waterbalonne. Ds. Tiaan Victor het ook aan die speletjie deelgeneem, en gemeentelede het beurtelings hul dominee met yskoue water natgespuit.
Basaargangers het hulself tegoed gedoen aan al die kosopsies, insluitend sosatie- en boereworsrolle, verskeie basaarpoedings en lekkernye wat die kinders in ’n “suikerstormloop” ingestuur het.
Die dag was ’n sukses, en basaargangers het uitgeput, maar tevrede, van hul “reis om die wêreld” terug huis toe gekeer.
