Local newsNews
Boanerges sluit bekendes op Standerton toe vir liefdadigheid
“Borgtog”-geld was ingesamel om met Iwan Dippenaar se operasie-uitgawes te help.
Die Teksa Boanerges Motorfietsgroep het op 8 November ’n Jail ’n Bail-dag by Kasselman Sekuriteitsdienste aangebied, waar talle rolspelers in Standerton “toegesluit” was vir die dag.
“Borgtog”-geld is ingesamel ten bate van Iwan Dippenaar se operasie-uitgawes.
Dippenaar is serebraal gestremd en aan ’n rolstoel gekluiser. Weens jare se rolstoelgebruik het sy rugraat 75° skeef gegroei.
Volgens Nash Dippenaar, Iwan se pa en president van Teksa Boanerges, het Iwan se operasie op 4 November goed verloop en hy is reeds uit die intensiewe sorgeenheid.
Talle bekende gesigte was agter tralies geplaas, insluitend Corné Stoltz Wyk 4-raadslid, Flip Jordaan, Janus de Wet en Coert Henrico.
Sowat R13 000 is dié dag ingesamel.
At Caxton, we employ humans to generate daily fresh news, not AI intervention. Happy reading!
