Die vroue van die VLU Kaalspruit-tak het op 18 November hul laaste vergadering vir die jaar by die huis van Roz du Preez gehou.
Die vroue het die vergadering afgeskop met ’n vinnige geselsie oor lief en leed. Hulle het die vergaderingprogram vir 2026 uitgewerk en het gesels oor die komende konferensies en kongresse.
Ná die vergadering afgehandel was, het die vroue gesellig verkeer en met proehappies wat almal bygedra het.
Du Preez het vir die vroue verduidelik hoe om ’n boom te plant.
Hoewel daar baie maniere is om ’n boom te plant, is daar steeds ’n verkeerde manier om dit te doen.
Volgens Du Preez is dit belangrik om by die kwekery uit te vind watter soort boom dit is en waar dit geplant moet word.
Die gat waarin jy jou boom wil plant, moet vierkantig wees en die bogrond moet van die ondergrond geskei word.
“Die ondergrond het meer voedingswaarde as die bogrond,” het Du Preez verduidelik.
Voor jy jou boom in die grond sit, moet die wortels liggies losgeskud word en die ondergrond moet met beenmeel gemeng word.
Daarna kan jy die boom in die gat sit, met grond bedek en water gee.
“Oor 10 jaar sal jy kan sien of jou boom gegroei het,” het Du Preez afgesluit.