Die Standerton Bikers Angels Foundation (SBAF) sal op 14 Februarie ’n gholfdag by die Standerton Buiteklub aanbied om vir vyf minderbevoorregte gesinne met kinders in die Standerton en Vrede Kinder- en Jeugsorgsentrum noodsaaklike benodighede te verskaf.

Die SBAF vra borge aan van plaaslike sakelui en individue in die gemeenskap.

Alle geld wat met die gholfdag ingesamel word, sal gesinne in hul tyd van onsekerheid en nood help om waardigheid te behou en dieselfde noodsaaklikhede wat ons elke dag as vanselfsprekend aanvaar, kan kry.

Ondersteun die SBAF in hierdie doelwit en versprei liefde of Valentynsdag deur ’n skenking te maak.

Gholfspelers kan teen R300 elk vir die gholfdag, wat op ’n IPS-formaat gespeel gaan word, inskryf.

Vir meer inligting, skakel Trudie by 072 773 0500.