Helpende Hand se Bethal-tak het onlangs ’n nuwe bestuur gekies. Dié bestuurspan bestaan uit Susan Beeslaar (voorsitter), Wiekie Swartz (ondervoorsitter) en Nanine Smit (sekretaresse).

Dié tak beplan reeds ’n paar interessante projekte vir vanjaar en hul tema vir die jaar is ‘Welstand vir ons Gemeenskap’.

Vroeg in Februarie reeds het Helpende Hand se gelukbringer, Braaf die Boerboel, die kleuterskole besoek en oor boeliegedrag gepraat.

Die Helpende Hand-tak op Bethal beplan ’n melktertkompetisie op 27 Februarie ter viering van nasionale Melktertdag.

Melkterte gaan op dié dag ook by die twee ouetehuise op Bethal, Silwerjare en Palmoord, versprei word.

Helpende Hand se volgende projek, die Beginners Naaldwerkprojek, skop op 4 Maart af waartydens vroue sal kan leer hoe hul naaldwerkmasjiene werk en ’n inkopiesak kan maak.

Belangstellendes is welkom om by die Helpende Hand-tak op Bethal aan te sluit en betrokke te raak. Vir meer inligting, skakel Beeslaar by 082 825 3046.