Delmas Herleef aan die stuur van begraafplaas se opknapping
Munisipale werkers en Delmas First-ondersteuners het ook hand bygesit.
Die vrywillige groep inwoners wat deel vorm van Delmas Herleef se voortdurende opknapping en verfraaiing van Delmas is nou al ’n alombekende gesig op die dorp.
Die eerste skoonmaaksessie van die Delmas begraafplaas het op 26 Januarie plaasgevind.
Hier het ook werkers van Victor Khanye Plaaslike Munisipaliteit sowel as Delmas First hul gewig kom ingooi.
Die taak was egter te groot om in een dag af te handel en op 2 Februarie om 14:00 was dit voorgesit.
LEES OOK: AfriFourm to hosts a know your rights presentation in Secunda
Weer was daar, ten spyte van die warm son, geskoffel en gehark deur lede van Delmas Herleef.
Baie inwoners het ook die gebruik van hul tuinwerkers, tuingereedskap en ander hulpmiddels beskikbaar gestel en koue water is aan die werkers voorsien.
“Baie dankie aan elkeen wat kom hand bysit het tydens die skoonmaak van Delmas se begraafplaas. Saam maak ons ’n verskil,” het dr.
Martin van Rensburg, predikant van die Hervormde Kerk en voorsitter van Delmas Herleef, laat hoor.
