Secunda VLU-vroue doen kolle-kuns

Vroue wat belangstel in aandtak, kan voorsitter skakel.

April 29, 2023

Jana Oosthuizen Less than a minute

Rosa Black doen kolle-kuns op 19 April by die Secunda VLU-tak se vergadering.

Vroue van die Secunda VLU-tak het op 19 April vergader en geoefen hoe om kolle-kuns te doen.

Hulle het ook gepraat oor ’n uitstappie na ’n materiaal- en borduurwinkel wat hulle binnekort wil onderneem.

Die voorsitter van dié tak, Rosa Black, het goed gevaar in die maandelikse kompetisie en 80% gekry vir haar Assisi-borduurwerk in die eie keuse-afdeling.

Dié vroue oorweeg dit om ’n aand-tak te stig sodat werkende vroue ook by die VLU betrokke kan raak.

Die Secunda VLU-tak vergader weer op 3 Mei om 09:30 in Die Rots by die NG Goedehoop/Secunda-Oos-gemeente en belangstellendes is welkom om dié vergadering by te woon.

Vir meer inligting, skakel Black by 082 586 9638.