Die Govan Mbeki Munisipaliteit ondersoek glo klagtes oor onwettige grondgebruik. Dit kom nadat Aranda Nel-Buitendag, raadslid van die VF Plus, oor ’n onderneming in Wolseleystraat, gekla het.

Volgens Nel-Buitendag, het dié onderneming ’n onwettige parkeerterrein gevestig en sy is ook bekommerd oor die verontagsaming van hersoneringsvereistes, onwettige bouwerk, gevaarlike verkeerssituasies en die versuim om toepaslike munisipale wetgewing toe te pas.

Die VF Plus het ook ’n klagte by die openbare beskermer ingedien.

Volgens Nel-Buitendag is dit kommerwekkend dat daar op 7 April ’n ongeluk by dié onderneming gebeur.

Donald Green, Govan Mbeki Munisipaliteit se skakelbeampte, het gesê die munisipaliteit is bewus van die situasie in Wolsleystraat en dat die VF Plus klagtes ingedien het.

“Die munisipaliteit ondersteun enige pogings wat aangewend word om die grondwetlike demokrasie te ondersteun en ons sal saam met die openbare beskermer werk aan dié saak,” het Green gesê.

Volgens hom ondersoek die munisipaliteit tans dié saak en die uitkoms van die ondersoek sal die munisipaliteit se volgende aksies bepaal.

LEES OOK: VF Plus in Govan Mbeki Munisipaliteit kla by openbare beskermer oor nalatigheid

LEES OOK: Community demands accountability over brick manufacturing and Industrial Park projects in Secunda