Lede van die plaaslike VLU-tak het op 8 Julie vergader en meer geleer van getelde draadborduurwerk en appliekwerk.

Die spesifieke tipe borduurwerk is een van die items op die jaarlike kongres en die vroue het die vereistes bespreek en wenke uitgeruil.

Die Secunda VLU-tak bied op 24 Julie ’n Noir-fotografiedag aan.

Enige iemand kan ’n kaartjie teen R120 bespreek en dié dag bywoon waar belangstellendes die geleentheid gaan kry om kreatiewe foto’s in Noir-styl te neem of om hul lyf model te hou.

Die Secunda VLU-tak se volgende vergadering is op 5 Augustus om 09:00.

Belangstellendes is welkom om dié vergadering by te woon. Vir meer inligting, Skakel Lenéll le Roux by 082 828 4371.