SECUNDA – ’n Nuwe netballiga by Lake Umuzi het Woensdag, 4 Junie afgeskop en die Puss & Boots-span het die Shooting Stars met ’n telling van 34-16 geklop.
Ander spanne wat op 4 Junie kragte gemeet het, was die Underdogs teen die Jaguars en die Silent Assassins teen die Sublime-span.
Die Underdogs het die Jaquars met 60-14 geklop en die Silent Assassins die Sublime-span met 57-32.
Die E-Lemon-Nators-span het Vrydag, 6 Junie met die Jaguars kragte gemet en hulle met ’n telling van 38-25 geklop.
Die Buns & Guns-span het ook op dié dag teen die Silent Assassins meegeding en die wedstryd met ’n telling van 42-38 gewen.
Die tweede week van die liga het Maandag, 9 Junie begin en die Black Magic-span en die Fighting Hens het Maandag kragte gemeet.
Die spanne wat Woensdag, 11 Junie kragte meet, is die Tangy Fast Fires teen die Sublime-span en die Puss & Boots-span teen die Bethal Stingers.
Die spanne wat Vrydag, 13 Junie gaan speel, is die Underdogs teen die Shooting Stars en die Wolf Pack-span teen die E-Lemon-Nators-span.
Die wedstryde begin om 6nm by Lake Umuzi.
Vir meer inligting, skakel me. Adelle Grové by 072 262 4634.
