Comrades kon Bethallers nie onderkry nie
Altesaam 10 atlete van Bethal Marathonklub was braaf genoeg om vanjaar se Comrades Marathon vanaf Durban na Pietermaritzburg aan te pak.
Bethal Marathonklub het 13 inskrywings gehad, maar drie atlete moes onttrek.
Van die 10 atlete wat weggespring het, het ses die marathon voltooi.
“Elke atleet wat die Comrades aanpak, het sy eie storie,” het me. Janine Botes van Bethal Maratonklub gesê.
Volgens haar is dié wedloop ’n wedloop teen jouself en verg harde werk, konsentrasie en deursettingsvermoë.
“Bethal Marathonklub se leuse is dat God daar is vir almal en dat niemand dit sonder Hom sou kon doen nie.”
“Die wedloop bly ‘n uitdaging en dit maak nie saak of jy al jou groen nommer (10 wedlope) het nie.
“As jy inskryf, wag daar vir jou harde werk en toewyding.” het me. Botes gesê.
Mnr. Pieter Botes, voorsitter van Bethal Marathonklub, het gesê hulle is trots op elke lid wat weggespring het.
“Om betyds klaar te maak, is ’n triomf op sy eie.”
Vir navrae oor Bethal Marathonklub, skakel mnr. Botes by 017 647 3200.
Die klub se atlete het die volgende tye behaal:
Johannes Sibande het sy vierde Comrades in 8:20,21 voltooi.
Jan Mabizela het sy vierde Comrades in 9:19,16 voltooi.
Heinrich Lotz het sy eerste Comrades in 9:34,09 voltooi.
Fannie Mahlangu het sy eerste Comrades in 11:13,41 voltooi.
Marietjie Lombard het haar vierde Comrades in 11:22,48 voltooi.
Corne Ras het haar negende Comarades in 11:30,47 voltooi.
Vir meer nuus besoek gerus ons ander webblaaie.
Standerton Advertiser & Highvelder
”Like” ons op Facebook en volg ons op Twitter en Instagram.
