SECUNDA – Sasol Rugbyklub se eerste- en tweedespanne het Saterdag op Middelburg gespeel en hul wedstryde gewen.
Sasol 1 se wentelling was 17-0 nadat die wedstryd in rustyd gestop is weens weerlig.
Volgens mnr. Werner Joubert van Sasol Rugbyklub, het Sasol 1 ’n goeie eerste helfte gespeel.
“Die voorspelers het 100 persent van hul lynstane gewen en ’n baie goeie fondasie gelê vir die agterspelers,” het mnr. Joubert gesê.
Sasol 1 se afrigter, mnr. Jannie van der Merwe, het niemand uitgesonder as speler van die wedstryd nie omdat die hele span volgens hom fantasties as ’n eenheid gespeel het.
Sasol 2 se wentelling teen Middelburg was 57-24 en die spelers van die wedstryd was Given Tshabalala en Eddi Mphunthi.
At Caxton, we employ humans to generate daily fresh news, not AI intervention. Happy reading!
