Pa en dogter maak opslae op hul ysterperde
Dié twee motorfietsentoesiaste het in die Pro-klas deelgeneem en met mekaar kragte gemeet siende dat die klas geen ouderdomsbeperking het nie en oop is vir mans en vroue.
Carika Pieterse en haar pa, Casper Pieterse, maak opslae in motorfietswedrenne.
Pa en dogter het op Saterdag, 16 Okober aan die 424-veldwedrenreeks se vyfde ronde deelgeneem.
Dié twee motorfietsentoesiaste het in die Pro-klas deelgeneem en met mekaar kragte gemeet siende dat die klas geen ouderdomsbeperking het nie en oop is vir mans en vroue.
Carika het ’n sesde plek behaal en is kort op haar pa se hakke wat ’n vyfde plek uit 170 deelnemers beklink het.
Die wedren het net buite Bronkhorstspruit op die Bapsfonteinpad plaasgevind.
Die motorfietsryers het om 12:00 weggespring en die wedren omstreek 15:00 voltooi.
“Dit is lekker om teen my pa te kan kompeteer. Lekker familie-aksie en kompetisie tussen ons om die wedren te wen, is waaroor ons inskryf,” het Carika laat hoor.
