Mense geniet Eendedam Kersnagmark op Secunda
Little Paws Big Hearts bied weer pretloop aan by mark.
Jonk en oud het die Eendedam Kersnagmark wat Saterdag, 9 Desember by die Eendedam plaasgevind het, geniet.
Daar was stalletjies wat allerlei lekkernye en kos verkoop het, plek vir die kinders om te speel, asook ponieritte.
Kersvader het ook ’n draai gemaak en lekkergoed uitgedeel.
Vir hondeliefhebbers was daar die pretloop wat deur die nie-winsgewende dierewelsynsorganisasie, Little Paws Big Hearts, aangebied is.
Honde van alle rasse het saam met hul eienaar aan die pretloop deelgeneem.
Die inskrywingsgeld gaan aan Little Paws Big Hearts om die welsynwerk wat hulle onder diere doen, te finansier.
Die mark is in samewerking met Secunda Steamers aangebied en kinders het die treintjieritte terdeë geniet.
Vir meer nuus besoek gerus ons ander webblaaie. Standerton Advertiser & Highvelder
“Like”’ ons op Facebook en volg ons op Twitter en Instagram.
