Leerders skenk bloed op Bethal

Bloeddiens staan twee dae by skool op Bethal.

July 3, 2021

Jana Oosthuizen Less than a minute

Sibusiso Sibiya, ’n leerder van Jim van Tonderskool, skenk bloed tydens ’n mobiele kliniek wat in Mei by dié skool gehou is. (Foto: Verskaf)

BETHAL – Leerders van Jim van Tonderskool het op 13 en 17 Mei en bloed geskenk toe die Bethal-tak van die Suid-Afrikaanse Nasionale Bloeddiens (SANBS) ’n mobiele bloedbank by die skool gehad het.

Leerders het altesaam 72 eenhede bloed geskenk en sowat 210 lewens kan gered word met dié hoeveelheid eenhede.

Me. Madeleine Kruger, hoof van Jim van Tonderskool, het gesê die leerders se ywer om bloed te skenk is merkwaardig omdat net 1% van die bevolking skenkers is.

“Dit was lekker om ’n positiewe bydrae tot die gemeenskap te kan lewer,” het me. Kruger gesê.