Kruiner-swemmer verower goud
Die Kruiner-familie wens vir Matteo geluk met sy prestasies en is saam met hom trots.
Laerskool Helderkuin se Matteo Krog het onlangs baie goed presteer toe hy twee gouemedaljes by die SA Level 3 Regional Age Group Swemkampioenskappe verower het.
Dié Graad 7-leerder het die 50m borsslag in 40,10 sekondes voltooi, en was ook lid van die 4 x 50m wisselslagaflosspan vir seuns (13 en onder) wat die afstand in 2:21.70 afgelê het.
Hy het ook gekwalifiseer vir die finale uitswemrondtes in die volgende items:
• 100m borsslag – eindig sewende
• 200m borsslag – eindig vierde
• 200m wisselslag – eindig agste
• Seuns 13 en onder: 4 x 100m vryslagaflos – eindig vyfde
• Seuns 13 en onder: 4 x 50m wisselslagaflos – span eindig vyfde
Dié dag het 11 swemmers van Matteo se swemklub – die Aquafins-swemklub – aan die kompetisie deelgeneem en het agste uit 67 klubs geëindig.
Die Kruiner-familie wens vir Matteo geluk met sy prestasies en is saam met hom trots.
