Opwindende musiekspel op pad na Roodepoort
Dié unieke spel is gelukkig nie net vir musiekkenners bedoel nie.
ATKV Arendsnes nooi die gemeenskap van Roodepoort hartlik uit na ‘n opwindende Musiekpret-geleentheid.
Dié musiekspel is bekend daarvoor dat dit pure pret vir musiekliefhebbers oud en jonk bied. Volgens organiseerder, Monique Brink is dié unieke spel gelukkig nie net vir musiekkenners bedoel nie.
Gaste word wel aangemoedig om hul ‘musiek-oor’ saam te bring.
“Twintig spanne met 10 tot 15 lede per span gaan vir mekaar wys waar Dawid die musieknote gegrawe het. Bring jou vriende en familie, eie drinkding en knibbelgoed. Aandete is ‘n braai met boerewors, asook pap en sous wat by die toegangsgeld van R180 ingesluit is,” het Monique vertel.
Die geleentheid vind plaas op Saterdag, 30 Julie om 18:00 in die Hoërskool Roodepoort-skoolsaal. Kostes beloop R180 per kaartjie (aandete ingesluit). Indien jy meer wil weet, of jou plek wil bespreek, kontak gerus vir Monique by 082 682 6964.
