PORT Shepstone se Forensiese Afdeling het die gr 7 leerlinge die week kom toespreek oor wat vingerafdrukke en DNA behels. Dit was baie interessant om te hoor waarna gekyk word op ’n misdaadtoneel, watter tipe toerusting hul gebruik en hoe dit werk. Almal sê baie dankie aan Brian Henning en Nico van Wyk.
Baie geluk aan Thinus Bester wat Springbokkleure in karate verwerf het by die kampioenskappe wat by die Universiteit van Witwatersrand onlangs plaasgevind het.
Dit was ’n bedrywige week op die swemgebied en Suidie swemmers het by Creston geswem en uitstekend gevaar. Geluk aan Suné de Witt en Jeandré Joubert wat as senior victrix en victor ludorum weggeloop het.
Swemmers van gr 1 tot 3 het hul bes probeer by ’n vriendskaplike gala by Creston en die weer het mooi saamgespeel. Al die gr 1 en 2 leerlinge het hul pret-gala baie geniet.
