Skaapkoppe laat die geld inrol

Kombineer beesstert, afval en rooibok-disse saam met uitmuntende musiek, goeie wyn en geselskap en jy het ’n wenresep.

Dit is presies wat SAVF Immergroen se bar-aand beteken het – Een reuse sukses.

Gaste het op 26 Julie al te lekker gesmul aan dié heerlike disse terwyl die tenoor Kevin Leo vir vermaak gesorg het.

“Ons bedank almal vir hul betrokkenheid, van die wat tafels ‘gekoop’ het, tot die wat bydraes gemaak het, baie dankie. Sonder julle sou die bar-aand nie moontlik wees nie. Die fondse wat gegenereer is gaan gebruik word om die Herberg, groengang en geelgang uit te verf en op te knap,” het mnr. Martin Coetzee, SAVF Immergroen tehuis bestuurder gesê.