Gemeenskap gee hul 67 minute by dierebeskermingsvereniging

Vir Mandela Dag het die gemeenskap die Witbank Dierebeskermingsvereniging bygestaan en hul deel gedoen.

Van donasies tot vrywilligers wat hul tyd gegee het om skoon te maak en op te knap is gegee.

“Die komitee, personeel en al die diere in ons sorg gaan baat by al die donasies en dit word uit die diepte van ons harte waardeer,” sê Carika Roux, tesourier.

Dankie aan Industrial Fluid Solutions, Huizemark en Harcourts vir hul 67 minute wat hulle gebruik het om te help by ons.

Dankie aan die bestuur en elke persoon vir hulle tyd en harde werk.