Die jaareind-geselligheid van die Vroue Landbou-unie Nocturne-aandtak het gesorg vir hope pret.

Dié tak het Saterdag, 26 November by De La Café ingeklok en om die kleurvolste tafels het die groep vriendinne gelag, gesels en al te lekker gesmul aan pienk en pers hoender gevulde pannekoeke.

Nadat me. Laura Swart met die mooiste dagstukkie geopen het, het Me. Lynette Wilsenach die leisels oorgeneem en die vroue eers ’n speletjie laat speel waartydens sy sekere waarnemings gemaak en dit in ’n motiveringspraatjie omgesit het.

“Kyk vir jouself in die spieël en sê ‘môre fabulous’,” was haar raad aan die vroue. 

Me. Wilma van Zyl het haar tak bedank vir ’n uitsonderlike jaar.

Almal is bederf met ’n geskenkie of twee en daar is uitbundig uit een stem gehoor dat almal uitsien na volgende jaar. 

Deel jou nuuswenke met ons via: Telefoon: 013 656 2490 Epos: wtbnews@mweb.co.za Of volg ons op WITBANK NUUS se sosiale platforms: InstagramTwitterWitbank News toepFacebook pageWitbank News Breaking