Hier in die doodsnikke van die winter bied die Gereformeerde Kerk Hoëveld hulle jaarlikse Biltongfees aan.

Dié fees vind op 26 Augustus by Fountains of Blessing af. Fountains of Blessings is ongeveer 1km van Olifants River Lodge af.

Daar is hope kos om te kom geniet van jaffels, pannekoek, pap en kaaiings, vars vleis en natuurlik hope biltong wat te koop aangebied sal word.

Die feestelikhede begin van 09:00 af en hou tot laat aan.

Daar is verskeie aktiwiteite wat beloof om jonk en oud besig te hou. So ook is daar ’n veilig met lekker items soos onder andere ‘n naweek weg in Marloth Park, ’n slagbees en nog vele ander.

Kom stel jou skietvernuf ten toon met die haelgeweer skietkompetisie.

Daar sal deurlopend ook musiek wees om ’n lekker gees te kweek op die terrein.

Ingang beloop R20 vir volwassenes, R10 vir kinders en pensioenarisse. As jy jou eie koelboks wil saambring is jy welkom, en die kurkfooi daarvoor gaan slegs R50 wees.

Het jy ’n storie om te vertel?

Stuur vir ons ’n epos na info@witbanknews.co.za of bel ons by 013 656 2490

• Vir meer brekende- en gemeenskapsnuus, besoek gerus ons webtuiste.
• Jy kan ons ook volg op sosiale media platforms: Facebook, Twitter of Instagram

Het jy geweet?

Kliek op die woorde wat in kleur uitgelig is om meer te lees oor verwante temas.