Moeders en hul kinders het ’n geleentheid gehad om hulle geloof, harte en verhouding met die Heilige Gees te versterk die naweek by Caramia Speranza in Jackaroopark, vir ’n byeenkoms om te ontdek hoekom elke persoon spesiaal en uniek is in die Here se oë.

Op Saterdag, 6 Julie, het hulle geleer oor verskillende persoonlikhede, liefdestale en die Vrugte van die Gees. Hulle het die dag geëindig met ’n profetiese kunsklas, aangebied deur Shereen Grobler.

“Dit was ’n wonderlike dag. Die Here is dieselfde, vandag, gister en môre. Ons moet kan stil wees en luister,” het Anita Terblanche, organiseerder van die byeenkoms gesê.

Die groep het na die Bybelgesprek met hulle kuns begin.

Soos Sherene gesê het, “Ons behoort glad nie verbaas te wees oor hoe die Heilige Gees werk nie, dit is dan dieselfde Heilige Gees wat Jesus laat opstaan het uit die dood uit.”

Almal het die dag terdeë geniet en heerlike tee, koffie, koek en beskuit saam geniet terwyl hulle met eendersdenkende Christene tyd kon spandeer.

Het jy ’n storie om te vertel?

Stuur vir ons ’n epos na info@witbanknews.co.za of bel ons by 013 656 2490

• Vir meer brekende- en gemeenskapsnuus, besoek gerus ons webtuiste: www.witbanknews.co.za
• Jy kan ons ook volg op sosiale media platforms: Facebook, Twitter of Instagram

HET JY GEWEET?

Kliek op die woorde wat in kleur uitgelig is om meer te lees oor verwante temas.