‘n Besigheidsman is gisteroggend dood in ʼn ongeluk wat op die N12 net duskant die Sundra-afrit plaasgevind het.

Eschell van Staden (48) was op sy motorfiets op pad na Brakpan toe die ongeluk plaasgevind het.

Sy pa, pastoor Willie van Staden het gesê ’n stilstaande vragmotor het vanaf die linker skouer van die pad weggetrek en regoor al twee die bane gery.

“Eschell het nie kans gehad om uit te swaai nie,” het Van Staden emosioneel gesê.

Hy het gesê sy seun was op pad na ʼn projek in Brakpan en hy en een van hul werkers sou later deurgaan.

“Ek het nie woorde nie …” het die pastoor gesê.

Nuus wat saak maak … Volg WITBANK NUUS op ons webtuiste,  Facebook, Twitter,  Instagram of TikTok
Gesels met ons: info@witbanknews.co.za