Laerskool Klipfontein se leiers se doel is om regdeur die jaar fondsinsamelings te hou vir die skool sodat hulle bietjie die onderwysers kan bederf en vir hulle groot afskeid die einde van die jaar. Maar die hoof rede hoekom hulle dit doen, is om aan die einde van die jaar ’n geskenkpak aan die skool te gee, om fondse te gee aan die skool om verbeterings te doen en terug te gee aan die gemeenskap.

“Ons is so opgewonde vir die lieflike geleentheid,” was die woorde van onderwyseres Ruvé van Rooyen.

Laasjaar se leiers het besluit om die jaar ’n verligte nagpretloop aan te bied en dit ’n tradisie te maak om dit elke jaar te doen. Daar was ’n 5km nagpretloop en dan was daar ’n 10km vir die lang asems. Dit was gehou op 13 Augustus en dit was ’n groot sukses. Daar was ongeveer 975 inskrywings die jaar, en verskillende besighede het geborg.

Daar was heerlike kos by die stalletjies asook pret en vermaak vir die kinders.

Met die jaar se fondse gaan hulle gaste-badkamers bou, dat wanneer daar weer so groot geleentheid is, almal gemaklik die badkamers kan gebruik. Hoërskole het die waterpunte hanteer.

Nuus wat saak maak … Volg WITBANK NUUS op ons webtuiste, Facebook, Twitter,  Instagram of TikTok

Gesels met ons: info@witbanknews.co.za